मुंबई – केंद्रीय खर्च निरीक्षक (१५३- दहिसर विधानसभा मतदारसंघ) सौरभ कुमार शर्मा यांच्या निर्देशानुसार व निवडणूक निर्णय अधिकारी शीतल देशमुख यांच्या मार्गदर्शनाखाली नियमित तपासणी दरम्यान, यतीन धोंडेकर यांच्या नेतृत्वाखाली स्थिर सर्वेक्षण पथक क्रमांक ९ ने अवधूत नगर, दहिसर पश्चिम येथे १.४३ कोटीचे १.९५ किलो इतके बेहिशेबी सोने यशस्वीरित्या जप्त केले आहे. मौल्यवान धातू आणि बेहिशेबी रोकड यांची अनधिकृत हालचाल रोखण्याच्या उद्देशाने नियमित पाळत ठेवण्याच्या उपायांपैकी एक भाग म्हणून ही जप्ती करण्यात आली. ही जप्ती निवडणुकीच्या काळात मतदारांवर प्रभाव टाकू शकणाऱ्या रोख नगद, मौल्यवान धातू आणि मद्य यांच्या बेकायदेशीर व्यवहारांना आळा घालण्याच्या अनुषंगाने महत्त्वपूर्ण ठरते.
