वॉशिंग्टन : अमेरिकेत डोनाल्ड ट्रम्प यांच्या सरकारकडून अवैधपणे आलेल्या स्थलांतरितांवरील कारवाई आणखी तीव्र करण्याची शक्यता आहे. अमेरिकन सरकारने असा एक मसुदा तयार केला आहे, ज्यामध्ये पाकिस्तानसह ४१ देशांवर प्रवासबंदी घालण्याची तयारी पूर्ण झाली आहे. ट्रम्प यांच्या पहिल्या कार्यकाळात सात मुस्लीमबहुल देशांवर प्रवास बंदी घातली होती. मीडिया रिपोर्नुसार, पाकिस्तान, अफगाणिस्तान आणि भूतान या देशांची नावे ४१ देशांच्या यादीत आहेत.२० जानेवारीला पदभार स्वीकारण्याच्या पहिल्याच दिवशी ट्रम्प यांनी एका कार्यकारी आदेशावर स्वाक्षरी केली होती, ज्यामध्ये सांगितले होते की, सुरक्षा धोके शोधण्यासाठी अमेरिकेत प्रवेश करणाऱ्या कोणत्याही परदेशी नागरिकाची व्यापक तपासणी आवश्यक आहे.
ज्या देशांवर प्रवेशबंदीची कारवाईची तयारी सुरू आहे. त्यात तुर्कमेनिस्तान, बेलारूस, भूतान आणि वानुअतु यांचाही समावेश आहे. तसेच अफगाणिस्तान, भूतान, क्युबा, इराण, लिबिया, उत्तर कोरिया, सोमालिया, सुदान, सीरिया, व्हेनेझुएला, येमेन या देशांना व्हिसावर पूर्णपणे बंदी करण्यात आली आहे.तर रशिया, पाकिस्तान, बेलारुस, इरिट्रिया, हैती, लाओस, म्यानमार, दक्षिण सुदान आणि तुर्कमेनिस्तान (या देशांवर काही अटींसह बंदीचा प्रस्ताव मांडला आहे. पर्यटक आणि विद्यार्थी व्हिसासह इतर स्थलांतरित व्हिसावर प्रभाव पडू शकतो.) या देशांच्या व्हिसांवर अंशत: बंदी करण्यात आली आहे.
या मसुद्यातील माहितीनुसार पाकिस्तानला अशा २६ देशांच्या यादीत ठेवले आहे ज्यांना व्हिसा जारी करण्यावर आंशिक बंदीचा सामना करावा लागू शकतो. शाहबाज शरीफ यांच्या नेतृत्वाखालील पाकिस्तानातील सरकारने जर सुरक्षा नियमांमधील उणिवा ६० दिवसांत दूर केल्यास या कारवाईतून सुटका होऊ शकते. पाकिस्तानच्या परराष्ट्र मंत्रालयाचे प्रवक्यांनी सांगितले की, पाकिस्तानला अशा प्रवासबंदीबाबत अमेरिकेकडून कोणतीही अधिकृत सूचना अद्याप मिळालेली नाही. सध्या या सर्व फक्त अफवा आहेत. त्यामुळे यावर प्रतिक्रिया देण्याची गरज नाही.
