बुलढाणा – समृध्दी महामार्गावरून प्रवास करणाऱ्या एका कुटुंबाला सशस्त्र दरोडेखोरांनी लुटले. काल रात्री ३.३० वाजताच्या सुमारास ही घटना घडली. बुलढाणा जिल्ह्यातील मेहकर जवळील एका पेट्रोल पंपाजवळ हा प्रकार घडला. हे कुटूंबीय मुंबईला येण्यासाठी निघाले होते. मात्र चालकाला झोप येत असल्याने त्यांनी विश्रांती घेण्यासाठी गाडी रस्त्याच्या कडेला थांबवली. काही वेळानंतर त्या ठिकाणी ४ अज्ञात व्यक्ती आल्या. त्यांनी कुटूंबियांची विचारपूस केली. त्यानंतर त्यांनी चाकूचा धाक दाखवून कुटुंबाकडून दागिने आणि पैसे लुटले यानंतर दरोडेखोरांनी घटनास्थळावरून पळ काढला. याप्रकरणी पोलिसांत तक्रार दाखल करण्यात आली असून पोलीस पुढील तपास करत आहेत.
