अहमदनगर : लोकसभा निवडणुकीसाठी महाराष्ट्रात तीन टप्प्यात मतदान पूर्ण झाले आहे. मतदानाचा चौथा टप्पा 13 मे रोजी असून आज प्रचाराच्या तोफा थंडावणार आहेत. लोकसभा निवडणुकीच्या रणधुमाळीत अवकाळी पाऊस महाराष्ट्रात धुमाकूळ घालत आहे. आज महाराष्ट्राच्या अनेक भागात अवकाळी पावसाने हजेरी लावली. अहमदनगर लोकसभा मतदारसंघाचे भाजपचे उमेदवार सुजय विखे पाटील यांच्याही सभेत पावसाने अक्षरशः धुमाकूळ घातला.
सुजय विखेंची सभा सुरु असतानाच अवकाळी पावसाने जोरदार हजेरी लावली. अचानक आलेल्या पावसाने सभा स्थळावरील मंडप कोसळला. यावेळी कार्यकर्त्यांनी थेट खुर्च्या आपल्या डोक्यावर घेत जोरदार घोषणाबाजी केली. त्यानंतर सुजय विखेंनी तुफान भाषण देखील केले. यामुळे प्रचाराच्या अखेरच्या दिवशी सुजय विखेंनी सभा गाजवल्याचे दिसून आहे. सुजय विखेंच्या सभेची आता जोरदार चर्चा रंगली आहे.
