वैभव वाडी – स्मशानभूमीत मृतदेहावर अंत्यसंस्कार करताना मधमाशांनी अचानक केलेल्या हल्ल्यात अनेक जण जखमी झाले. ही घटना सिंधुदुर्गातील वैभववाडी तालुक्यातील तिथवली गावात घडली.अखेर नातेवाईकांना २ तासांनी पीपीई किट घालून अंत्यसंस्कार करावे लागले.
तिथवली महंमदवाडी येथील शेतकरी पांडुरंग कृष्णा हरयाण यांचे वृद्धापकाळाने बुधवारी रात्री निधन झाले. गुरुवारी सकाळी साडेदहा वाजता गावकर्यांनी मृतदेह अंत्यसंस्कारासाठी घरातून बाहेर काढला. यावेळी जवळपास ६० ते ७० ग्रामस्थ उपस्थित होते विधी सुरू असल्यामुळे मृतदेह स्मशानभूमीच्या बाजूला ठेवण्यात आला होता. स्मशानभूमीत काही ग्रामस्थ सुकलेली लाकडे जाळून धूर करत होते.स्मशानभूमीच्या बाजूला अडगळीत ऐनाच्या झाडावरमधमाशांचे पोळे होते. मात्र ही गोष्ट ग्रामस्थांच्या लक्षात आली नाही . धुराचा लोळ त्या मधमाशांच्या पोळाकडे जाताच मधमाशा आक्रमक झाल्याआणि त्यांनी ग्रामस्थांवर हल्ला केला
