शिर्डी- शिर्डीच्या साईबाबांच्या चरणी एका साईभक्ताने ४२ लाख ८० हजार रुपयांचा सुवर्ण मुकुट अर्पण केला. आज सकाळी शिर्डी माझे पंढरपूर या आरतीदरम्यान सुंदर नक्षीकाम असलेला हा सुवर्ण जडीत मुकुट साईबाबांच्या मुर्तीवर चढवण्यात आला.
शिर्डीच्या साईबाबांचे देश विदेशातील लाखो भाविकांची श्रद्धा असल्याने भाविक साईबाबांच्या झोळीत भरभरून दान देत असतात. आज एका साईभक्ताने साईचरणी ६४८ ग्रॅम वजनाचा सोन्याचा मुकुट अर्पण केला आहे. या सोनेरी मुकूटाची किंमत ४२ लाख ८० हजार रुपये असून हा मुकुट अतिशय सुंदर असल्याची माहिती श्री साईबाबा संस्थानचे मुख्य कार्यकारी अधिकारी गोरक्ष गाडीलकर यांनी दिली दानशुर साईभक्ताने संस्थानला आपले नाव जाहीर न करण्याची विनंती केल्यामुळे या साईभक्ताचे नाव गुपित राहिले.
