नौपाडा वाचक कट्ट्यावर साहित्यिक रुपेश पवार यांची मुलाखत
ठाण्यातील लोकप्रिय साहित्यिक, पत्रकार अॅड रुपेश पवार यांची मुलाखत नौपाडा वाचक कट्ट्यावर आयोजित केली आहे. ही मुलाखत नौपाडा वाचक कट्टा (अभिनय कट्टा), जिजामाता उद्यान, भास्कर कॉलनी, नौपाडा, ठाणे (प) येथे मंगळवारी 30 जुलैला सायंकाळी साडेसहा वाजता होणार आहे. हा मुलाखतीचा कार्यक्रम किरण विष्णू नाकती व नौपाडा वाचक कट्टा परिवाराने घेतला आहे. रुपेश पवार यांच्या संपूर्ण साहित्यिक जीवनावर ही मुलाखत प्रकाश टाकणार आहे. रुपेश पवार हे दिव्यांग असून देखील त्यांनी सकारात्मकतेने जीवनात नियतीशी संघर्ष केला. कारण त्यांना शारीरिक व्यंगबरोबर दृष्टीदोष होता. अशा दोन अडचणींचा सामना करून त्यांनी आपला प्रयत्न रथ अजूनपर्यंत धावता ठेवला आहे. म्हणून “दिव्यांगातील एक अंतरंग” असे शीर्षक या मुलाखत कार्यक्रमाचे आहे. तरी सर्व ठाणेकर बंधू-भगिनी तसेच युवा वर्गाने ह्या कार्यक्रमाला उपस्थित राहून प्रेरणादायी जीवनाचा अनुभव घ्यावा.
पत्रकार राजेंद्र गोसावी
