चांदीपूर – संरक्षण संशोधन आणि विकास संस्थेने (डीआरडीओ) शुक्रवारी ओडिशातील चांदीपूर येथे अग्नि-4 क्षेपणास्त्राची पुन्हा एकदा यशस्वी चाचणी घेतली . एक टन वजनाचे अण्वस्त्र वाहून नेण्याची क्षमता असलेल्या या मध्यवर्ती श्रेणीच्या बॅलिस्टिक क्षेपणास्त्राने चीन आणि पाकिस्तान हादरले आहेत. त्याची रेंज 4 हजार किलोमीटर आहे. डीआरडीओने 2 वर्षांनंतर आपल्या शक्तिशाली इंटरमीडिएट रेंज बॅलिस्टिक मिसाइल (आयआरबीएम) अग्नी-4 ची यशस्वी चाचणी केली आहे. ही चाचणी 6 सप्टेंबर 2024 रोजी चांदीपूर, ओडिशातील एपीजे अब्दुल कलाम बेटावर करण्यात आली. यापूर्वी 6 जून 2022 रोजी त्याची चाचणी घेण्यात आली होती. या चाचणीदरम्यान अग्नी क्षेपणास्त्राने निर्धारित मानकांची पूर्तता केली. स्ट्रॅटेजिक फोर्स कमांडने म्हटले आहे की हे नेहमीचे प्रशिक्षण प्रक्षेपण होते. ज्यामध्ये सर्व ऑपरेशनल पॅरामीटर्सची पुन्हा तपासणी करण्यात आली आहे. भारताला या चाचणीद्वारे दाखवून द्यायचे आहे की ते आपली विश्वासार्ह किमान प्रतिबंधक क्षमता कायम ठेवतील.भारताच्या स्ट्रॅटेजिक फोर्स कमांडच्या अग्नी क्षेपणास्त्र मालिकेतील हे चौथे धोकादायक बॅलेस्टिक क्षेपणास्त्र आहे. विशेष म्हणजे अग्नि-4 हे जगातील इतर क्षेपणास्त्रांपेक्षा हलके आहे.
अग्नि-4 क्षेपणास्त्र डीआरडीओ आणि भारत डायनॅमिक्स लिमिटेड यांनी संयुक्तपणे विकसित केले आहे. त्याचे वजन 17 हजार किलोग्रॅम आहे. त्याची लांबी 66 फूट आहे. यामध्ये तीन प्रकारची शस्त्रे नेता येतात. ज्यामध्ये पारंपारिक, थर्मोबॅरिक आणि सामरिक अण्वस्त्रांचा समावेश आहे. अग्नि-4 ची सक्रिय श्रेणी 3500 ते 4000 किलोमीटर आहे. ते जास्तीत जास्त 900 किलोमीटर उंचीपर्यंत थेट उड्डाण करू शकते. त्याची अचूकता 100 मीटर आहे, म्हणजेच हल्ला करताना 100 मीटरच्या त्रिज्येत येणाऱ्या सर्व वस्तूंचा नाश करते. म्हणजे शत्रू किंवा लक्ष्य काहीही झाले तरी वाचू शकत नाही. ग्नी-4 लाँच करण्यासाठी, ते 8×8 ट्रान्सपोर्टर इरेक्टर लॉन्चर किंवा रेल्वे मोबाइल लाँचरमधून सोडले जाते. त्याचे नेव्हिगेशन डिजिटल पद्धतीने नियंत्रित केले जाऊ शकते. त्याची एव्हीओनिक्स प्रणाली इतकी विश्वासार्ह आहे की तुम्ही ती अत्यंत अचूकतेने शत्रूवर सोडू शकता.अग्नि-4 ची पहिली यशस्वी चाचणी 15 नोव्हेंबर 2011 रोजी झाली. त्यानंतर अद्ययावत चाचण्यांसह एकूण 8 चाचण्या झाल्या आहेत. त्यात एक टन शस्त्रे भरता येतात. हे क्षेपणास्त्र 3000 अंश सेल्सिअस तापमानाचा सामना करू शकते आणि वातावरणात प्रवेश करू शकते. म्हणजेच भविष्यात अवकाशात हल्ला करण्यासाठीही याचा वापर होऊ शकतो.
