ठाणे -आनंद चॅरिटेबल ट्रस्टच्या वतीने आयोजित होत असलेल्या जांभळी नाका येथील श्री छत्रपती शिवाजी महाराज मैदान येथे गुढीपाडवा व नूतन वर्षाच्या प्रारंभी देवीचे आगमन मोठ्या जल्लोषात करण्यात आले. या मिरवणुकीत देवीच्या आगमनासाठी ३०० हून अधिक पथक तसेच संपूर्ण ठाणे जिल्हयातून वारकरी सांप्रदायाचे वारकरी पथके, झांज पथक, बँड पथक, दांडपट्टा, महिलांचे व पुरुषांचे लेझीमपथक, घोडेस्वार, मावळे, तुळशी वृंदावन डोक्यावर घेऊन चालणाऱ्या महिला अशी जय्यत तयारी देवीच्या स्वागतासाठी सज्ज झाली होती.
या देवीच्या स्वागतासाठी पोलीस कर्मचाऱ्यांनीही भक्तिपूर्वक देवीचे रथ ओढून स्वागत केले. यावेळी खासदार राजन विचारे, जिल्हाप्रमुख केदार दिघे, प्रमुख प्रदीप शिंदे, प्रवक्ते अनिश गाढवे, ठाणे उपशहर प्रमुख दीपक साळवी, युवासेना उपजिल्हा अधिकारी अर्जुनसिंग डाभी, युवासेना अधिकारी किरण जाधव, मा. नगरसेवक मंदार विचारे, मा. नगरसेविका नंदिनी विचारे, विभाग संघटक अपूर्वा तेलवणे, नंदा कोथळे, उप विभाग संघटक राजेश्री सुर्वे, तसेच मेघा विचारे, वनिता कोळी तसेच ठाणे, नवीमुंबई व भाईंदर येथील सन्माननीय नगरसेवक, विभागप्रमुख, उपविभाग प्रमुख, शाखाप्रमुख, युवासेना, युवतीसेना आदी मान्यवर व इतर शिवसेना पदाधिकारी मोठ्या संख्येने उपस्थित होते.
