कोलकाता – पश्चिम बंगालच्या मुख्यमंत्री ममता बॅनर्जी यांनी शनिवारी दक्षिण कोलकाता येथील भवानीपूर भागातील मतदान केंद्रावर मतदान केले. राज्यातील लोकसभेच्या नऊ जागांसाठी शनिवारी मतदान पार पडले. पश्चिम बंगालच्या मुख्यमंत्री ममता बॅनर्जी या कोलकाता येथील कालीघाट पोलीस स्टेशन परिसरातील हरीश चॅटर्जी स्ट्रीट येथील रहिवासी आहेत. मित्र इन्स्टिट्यूशन स्कूल येथील मतदान केंद्रावर त्यांनी मतदानाचा हक्क बजावला.
मतदान केल्यानंतर तृणमूल काँग्रेसच्या प्रमुखांनी क्षणभर थांबून हात वर करून विजयाची निशाणी केली. बॅनर्जी भवानीपूर मतदारसंघातून आमदार आहेत. भवानीपूर हा कोलकाता दक्षिण लोकसभा मतदारसंघात समाविष्ट असलेल्या सात विधानसभा मतदारसंघांपैकी एक आहे. कोलकाता दक्षिणमधून तृणमूल काँग्रेसने माला रॉय यांना उमेदवारी दिली आहे.
