ठाणे : विधानसभा निवडणुकीचा प्रचार अखेरच्या टप्प्यात असताना प्रचाराच्या शेवटच्या रविवारी ओवळा माजिवडा मतदारसंघातील महायुतीने संपूर्ण मतदारसंघ पिंजून काढला. प्रताप सरनाईक तुम आगे बढो..या घोषणांनी परिसर दणाणून गेला. शिवसेनेचे ओवळा माजीवाडा मतदारसंघाचे उमेदवार प्रताप सरनाईक यांची विजयाच्या दिशेने वाटचाल सुरू झाली असून २३ तारखेला विरोधकांनी फक्त लीड मोजावा असा टोला सरनाईक यांनी लगावला…शिवसेना जिंदाबाद..
ही निवडणुक महायुतीच्या कार्यकर्त्यांनी हातात घेतली असून सरनाईक यांच्या मागे महायुतीची प्रचंड अशी मोठी ताकद उभी आहे. पदाधिकारी आणि कार्यकर्त्याच्या जोरावर या निवडणूकीत मोठ यश प्राप्त करणार असा विश्र्वास यावेळी सरनाईक यांनी आजच्या प्रचार रॅलीत केला. गेल्या १५ वर्षात ओवळा माजिवडा मतदारसंघात विकासाची गंगा आणणारे शिवसेनेने उमेदवार प्रताप सरनाईक यंदा चौथ्यांदा निवडणुकीच्या रिंगणात उतरले आहेत. आमदार प्रताप सरनाईक यांनी आज सकाळी आपल्या कुटुंबासोबत प्रचाराला सुरुवात केली. युवा सेनेचे कार्याध्यक्ष पुर्वेश सरनाईक, माजी नगरसेविका परिषा सरनाईक यांनी आज प्रचार रॅली मध्ये सहभाग घेत मतदारांना आवाहन केले. ओवळा माजिवडा मतदारसंघाचा येत्या २ वर्षात अजून कायापालट करणार असल्याचा विश्वास यावेळी सरनाईक यांनी बोलून दाखवला.
