नवी दिल्ली : कोळसा मंत्रालयाने डिसेंबर २०२४ महिन्यातील एकूण कोळसा उत्पादन आणि वितरणामध्ये लक्षणीय वाढ नोंदवली आहे, ज्यामुळे देशाच्या ऊर्जा सुरक्षिततेच्या उद्दिष्टपूर्तीसाठी त्यांची वचनबद्धता अधोरेखित होते. डिसेंबर २०२४ मधील एकूण कोळसा उत्पादन ९७.९४ दशलक्ष टन झाले, जे मागील वर्षी याच महिन्यातील ९२.९८ दशलक्ष टनच्या तुलनेत ५.३३% वाढ दर्शवते. कॅप्टिव्ह आणि इतर खाणींनी १८.९५ दशलक्ष टन उत्पादन केले, जे मागील वर्षी याच कालावधीतील १४.६२ दशलक्ष टनच्या तुलनेत २९.६१% ची उल्लेखनीय वाढ दर्शवते. डिसेंबर २०२४ पर्यंत एकत्रित कोळसा उत्पादन देखील लक्षणीय वाढ दर्शवते, जे २०२४-२५ मध्ये जवळपास ७२६.२९ दशलक्ष टन झाले, तर २०२३-२४ मध्ये ते ६८४.४५ दशलक्ष टन होते, यामध्ये ६.११% ची वाढ नोंदवली गेली. कोळसा मंत्रालय उत्पादन वाढवण्यासाठी, तसेच अखंड वितरण सुनिश्चित करण्यासाठी आणि देशाची वाढत्या ऊर्जेची गरज पूर्ण करण्यासाठी पुढाकार घेत आहे. कोळसा उत्पादन आणि वितरणातील सातत्यपूर्ण वाढ स्वावलंबी कोळशाच्या दिशेने आणि आत्मनिर्भर भारताच्या दृष्टिकोनाच्या पूर्ततेसाठी मंत्रालयाची अविरत वचनबद्धता अधोरेखित करते.
कोळसा वितरणाच्या बाबतीत, डिसेंबर २०२४ साठीच्या आकडेवारीने ९२.५९ दशलक्ष टन गाठले, जे डिसेंबर २०२३ मधील ८७.०६ दशलक्ष टनच्या तुलनेत ६.३६% वाढ दर्शवते. कॅप्टिव्ह आणि इतर खाणींमधून १८.१३ दशलक्ष टन वितरण झाले, जे मागील वर्षी याच कालावधीतील तुलनेत ३१.८३% वाढ दर्शवते. तसेच, डिसेंबर २०२४ पर्यंत एकत्रित कोळसा वितरण २०२४-२५ मध्ये साधारतः ७५०.७५ दशलक्ष टन झाले, तर २०२३-२४ मध्ये ते ७११.०७ दशलक्ष टन होते, ज्यात ५.५८% ची प्रभावी वाढ नोंदवली गेली.
