जळगाव – भुसावळ तालुक्यातील जाडगावाजवळील अप लाईनच्यामध्ये पहाटेच्या सुमारास तीन रायफली आढळून आल्या. रेल्वे पोलिसांना यांची माहिती मिळाल्यानंतर घटनास्थळी वरिष्ठ रेल्वे पोलीसाचे पथक, स्थानिक पोलीस व गुन्हे शाखेचे कर्मचारी दाखल झाले होते. या रायफली आयुध निर्माणीतून प्रुफ टेस्टीग विभागांच्या असल्याचा अंदाज वर्तविण्यात येत असून रायफलीच्या ओळखीसाठी निर्माणीच्या अधिकाऱ्यांना पाचारण करण्यात आले आहे. सकाळच्या सुमारास वरणगाव रेल्वे स्टेशन पासून ते भुसावळकडे जाडगाव पर्यंत ट्रॅकमॅन अनिल कुमार हा कर्तव्यावर असताना सकाळी ७ .४५ वाजेच्या सुमारास अप लाईनवर भुसावळकडे जात असताना रेल्वे खांब नं ४५४ / १५ / ते १६ च्या रेल्वे रुळाच्यामध्ये दोन ए. के. ४७ व एक गलील रायफल अशा एकून तीन रायफली त्याच्या नजरेस पडल्याने त्याने तात्काळ रेल्वे पोलीसांना याची माहिती देताच रेल्वेचे वरिष्ठ पोलीस निरीक्षक , स्थानिक पोलीस व गुन्हे शाखेचे दाखल झाले आहेत.
सदर रायफली आयुध निर्माणीच्या म टेस्टीग विभागातून दोन गलील रायफली व तीन ए. के. ४७ रायफली चोरी झाल्याचा गुन्हा वरणगाव पोलीस स्टेशनला दि. २३ बुधवार रोजी कनिष्ठ कार्य प्रबंधक प्रदिप कुमार, बाबुराव चव्हाण यांच्या फिर्यादीनुसार गुन्हा दाखल करण्यात आला होता. या तपास कामी स्थानिक पोलीसासह एटीएस पथक स्थानिक गुन्हे शाखाकडून रायफलीचा कसून तपास करत होते. घटनेची माहिती मिळताच रेल्वे विभागाची वरिष्ठ पोलीस अधिकारी, गुन्हे शाखेचे पोलिस अधीक्षक, स्थानिक सह पोलीस निरिक्षण हे आपल्या ताफ्यासोबत घटना स्थळ गाठत रेल्वे श्वानला पाचरण करण्यात आले. श्वानाने घटनास्थळापासून फुलगावच्या उड्डानपुलाजवळ मार्ग दाखवत पुलाखाली बराच वेळ घुटमळत होते तर जिल्हा पोलीस अधिक्षक व अप्पर जिल्हा पोलीस अधीक्षक हे घटनास्थळी दाखल झाले आहेत.
