रत्नागिरी : अभिनेते भाऊ कदम हे विशेष करून आपल्या विनोदी भूमिकेसाठी प्रसिद्ध आहेत. मात्र, गेले काही दिवस ते राष्ट्रवादी अजित पवार गटाचे स्टार प्रचारक असल्याने त्यांचा प्रचार रॅली धडाका जोमात सुरू आहे. राष्ट्रवादी काँग्रेस अजितदादा पवार गटाचे चिपळूण विधानसभा मतदारसंघाचे उमेदवार शेखर निकम यांच्या प्रचारासाठी स्टार प्रचारक सिने अभिनेते भाऊ कदम रोड शो केला. देवरूख शहरातील रोड शो प्रचार फेरीला चांगला प्रतिसाद मिळाला. शहरातील शिवाजी महाराज चौकातील राष्ट्रवादी काँग्रेसच्या कार्यालयापासून फेरीला सुरुवात झाली. ती बसस्थानक – बाजारपेठ मार्गे सोळजाई देवी मंदिरापर्यंत गेली. यावेळी आघाडीचे उमेदवार शेखर निकम यांच्यासह आघाडीचे अनेक नेते उपस्थित होते.
