कळवा मुंब्र्यात लोक बदल घडविणार- आनंद परांजपे
पिण्याचा पाण्याचा प्रश्न सोडविणार- नजीब मुल्ला
प्रतिनिधी ౹ ठाणे
१४९ मुंब्रा कळवा विधानसभा मतदारसंघातील महायुती पुरस्कृत राष्ट्रवादी काँग्रेस उमेदवार नजीब मुल्ला यांनी कळवा नाका येथील छत्रपती शिवाजी महाराज यांच्या पुतळ्यास पुष्पहार घालून आणि अभिवादन करून कळवा नाका येथून आपल्या निवडणूक प्रचार रॅलीची सुरुवात केली. या प्रचार फेरीत महिलांचा जोशपूर्ण सहभाग लाभला. यावेळी माध्यमांसमोर बोलताना, कळवा मुंब्र्यात लोक बदल घडविणार, अशी आशा राष्ट्रवादी काँग्रेस प्रदेश प्रवक्ते, ठाणे व पालघर समन्वयक, ठाणे जिल्हाध्यक्ष आनंद परांगपे यांनी व्यक्त केला. तर पिण्याचा पाण्याचा प्रश्न सोडविणार, असे जाहीर आश्वासन १४९- मुंब्रा-कळवा विधानसभा मतदारसंघातील महायुती पुरस्कृत राष्ट्रवादी काँग्रेसचे उमेदवार नजीब मुल्ला यांनी दिले आहे.यावेळी राष्ट्रवादी काँग्रेस प्रदेश प्रवक्ते, ठाणे व पालघर समन्वयक, ठाणे जिल्हाध्यक्ष आनंद परांगपे यांच्यासह, माजी उपमहापौर गणेश साळवी, अशोक भोईर, शिवसेना विभागप्रमुख विजय शिंदे, शहरप्रमुख नरेंद्र शिंदे, माजी नगरसेवक उमेश पाटील, प्रकाश बर्डे, गणेश कांबळे आदी महायुतीचे पदाधिकारी व कार्यकर्ते मोठ्यासंख्येने प्रचार रॅलीत सहभागी झाले होते.
१४९- मुंब्रा-कळवा विधानसभा मतदारसंघातील महायुती पुरस्कृत (शिवसेना, भाजपा, आरपीआय-आठवले गट, आरपीआय-कवाडे गट) राष्ट्रवादी काँग्रेस पार्टीचे, लोकप्रिय उमेदवार नजीब मुल्ला यांची शनिवारी, ९ ऑक्टोबर रोजी शिवसेना मध्यवर्ती शाखा कळवा नाका येथून प्रचार रॅली आयोजित करण्यात आली होती. ही प्रचार रॅली संत निरंकारी भवन, जानकी नगर, मातोश्री नगर, सायबा नगर, जयभीम नगर १, जयभीम नगर २, लहूजी नगर या मार्गाने महात्मा फुले नगर येथे समारोप करण्यात आला. या मार्गावर ठिकठिकाणी महिलांनी नजीब मुल्ला यांना ओवाळणी केली. हातात नजीब मुल्ला यांच्या प्रचाराचे फलक व शिवसेना,भाजप राष्ट्रवादी काँग्रेसचे झेंडे लक्ष वेधून घेत होते.फटाक्यांच्ता आतिषबाजीत, संगीताच्या मधूर तालावर अतिशय उत्साहवर्धक वातावरणात प्रचार रॅलीचे मतदारांनी जोशपूर्ण स्वागत केले. ‘टोरण्ट हटाव, नजीबभाई को लाव’ ही घोषणा मतदारांना आकर्षित करत होती.
कळवा मुंब्र्यात लोक बदल घडविणार- आनंद परांजपे
मुख्यमंत्री माझी लाडकी बहीण योजनेला माताभगिंनीं अभूतपूर्व असा प्रतिसाद दिला. यामुळेच नजीब मुल्ला यांच्या प्रचार रॅलीत मोठ्यासंख्येने माताभगिनी सहभागी झालेल्या आहेत. भारतीय जनता पार्टी, शिवसेना, राष्ट्रवादी काँग्रेस, रिपाई या महायुतीतील सर्व पक्षातील कार्यकर्ते मोठ्यासंख्येने प्रचार रॅलीत सहभागी झाले आहेत. प्रचार रॅलीला मतदारांचा खुप चांगला रिस्पॉन्स आहे. कळव्यातील लोकांना बदल हवा आहे. या प्रचार रॅलीत सहभागी जनतेच्या प्रतिसादावरून लक्षात येते की लोकांनी निर्णय घेतला आहे, लोकांना बदल हवा आहे. येत्या २० तारखेला घड्याळासमोरील बटन दाबून लोक बदल घडविणार आहेत आणि महायुतीचे उमेदवार नजीब मुल्ला यांना विजयी करणार आहेत. मुख्यमंत्री एकनाथ शिंदे, उपमुख्यमंत्री अजित पवार, उपमुख्यमंत्री देवेंद्र फडणवीस यांनी महायुती सरकारच्या माध्यमातून महाराष्ट्रातील जनतेसाठी विविध कल्याणकारी योजना आणल्या. यामुळेच महाराष्ट्रातील जनता आणि कळवा मुंब्र्यातील जनता महायुतीलाच मतदान करतील, अशी आशा राष्ट्रवादी काँग्रेस प्रदेश प्रवक्ते, ठाणे व पालघर समन्वयक, ठाणे जिल्हाध्यक्ष आनंद परांगपे यांनी व्यक्त केला.
पिण्याचा पाण्याचा प्रश्न सोडविणार- नजीब मुल्ला
लोकांचा उत्साह आहे, लोकांना बदल हवा आहे, लोक आवर्जून रस्त्यावर उतरुन प्रेम व आशिर्वाद देत आहेत. विकासासाठी नागरिकांनी मला विजयी करण्याची मनस्थिती बनविली आहे. टोरन्ट पाॅवर बंद करणे आणि पिण्याचा पाण्याचा प्रश्न सोडवण्यास प्राधान्य देणार हे माझे वचन आहे, असे जाहीर आश्वासन १४९- मुंब्रा-कळवा विधानसभा मतदारसंघातील महायुती पुरस्कृत राष्ट्रवादी काँग्रेसचे उमेदवार नजीब मुल्ला यांनी दिले आहे.
