हैदराबाद : मध्ये प्रदेशातील पूर्व गोदावरी जिल्ह्यात सात बॉक्समध्ये ठेवलेली ७ कोटींची रोकड जप्त करण्यात आली आहे. नल्लाजरला मंडलातील अनंतपल्ली येथे एका ट्रकने धडक दिल्यानंतर छोटा हत्ती (टेम्पो) पलटी झाला. त्यानंतर या टेम्पोमधून रोकड असलेले ७ पुठ्ठ्याचे बॉक्स नेले जात असल्याचे स्थानिकांच्या लक्षात आले. त्यांनी याची माहिती पोलिसांना दिली. हा टेम्पो विजयवाडाहून विशाखापट्टणमच्या दिशेने जात होता. उलटलेल्या छोटा हातीचा चालक जखमी झाला असून त्याला उपचारासाठी गोपालपुरम रुग्णालयात हलवण्यात आले आहे. दरम्यान, दोन दिवसांपूर्वी आंध्र प्रदेशातील एनटीआर जिल्ह्यातील एका चेकपोस्टवर ट्रकमधून ८ कोटी रुपयांची बेहिशेबी रोकड जप्त करण्यात आली होती. रोकड जप्त केल्याप्रकरणी पोलिसांनी दोघांना ताब्यात घेतले होते. ही रोकड पाईपने भरलेल्या ट्रकच्या एका गुप्त कप्प्यात लपवून ठेवली होती.
