दहावीचा निकाल सोमवारी जाहीर होणार

पुणे – महाराष्ट्र राज्य माध्यमिक उच्च माध्यमिक शिक्षण मंडळातर्फे मार्च २०२४ मध्ये घेण्यात आलेल्या इयत्ता दहावीच्या परीक्षेचा निकाल येत्या सोमवारी म्हणजेच २७ मे रोजी लागणार आहे. राज्य मंडळाच्या सचिव अनुराधा ओक यांनी ही घोषणा केली. त्यानुसार दुपारी एक वाजता ऑनलाईन पद्धतीने हा निकाल जाहीर केला जाणार आहे. यंदा दहावीच्या परीक्षेसाठी १६ लाखांहून अधिक विद्यार्थ्यांनी नोंदणी केली आहे. विद्यार्थ्यांना https://mahresult.nic.in, http://sscresult.mkcl.org, https://sscresult.mahahsscboard.in या वेबसाईटवर निकाल पाहता येईल.