मुंबई : राष्ट्रवादी काँग्रेस शरदचंद्र पवार पक्षाचे विधान परिषदेतील आमदार एकनाथ खडसे भाजप प्रवेश करणार हे आता निश्चित झालं आहे. 8 एप्रिलला एकनाथ खडसे यांना भाजप प्रवेशाची तारीख कळणार असून या पक्षप्रवेशाच्या कार्यक्रमाला थेट भाजपचे केंद्रीय गृहमंत्री अमित शाह आणि राष्ट्रीय अध्यक्ष जे.पी.नड्डा देखील उपस्थित असणार आहे. एकनाथ खडसे यांच्या पक्षप्रवेशाच्या निर्णयात महाराष्ट्रातून दिल्लीत जाऊन भाजपच्या निर्णयांमध्ये महत्त्वाची भूमिका बजावणाऱ्या मराठी चेहऱ्याचा हात असल्याचं पाहायला मिळत आहे. तर दुसरीकडे एकनाथ खडसे यांच्या कन्या रोहिणी खडसे यांनी भाजपसोबत न जाण्याचा निर्णय घेत भाजपलाच धोबीपछाड दिली आहे.
