मुंबई : ज्येष्ठ राजकीय विश्लेषक, समाजसेवक, विविध पुरस्कारांनी सन्मानित आदरणीय विजय वैद्य यांची बुधवार, १ जानेवारी २०२५ रोजी जयंती येत आहे. यानिमित्त ‘गाथा स्वराज्याची आणि गौरव विजय वैद्य यांच्या कार्यकर्तृत्वाचा’ या शीर्षकाखाली विजय वैद्य यांची कर्मभूमी आणि गेल्या ४२ वर्षांपासून ज्या ठिकाणी जय महाराष्ट्र नगर वसंत व्याख्यानमाला आयोजित करण्यात येते त्याच ठिकाणी इंग्रजी नव वर्षारंभी कार्यक्रमाचे आयोजन करण्यात आले आहे. सर्वांनी या कार्यक्रमाला उपस्थित राहून दिवंगत विजय वैद्य यांना अभिवादन करावे. विजय वैद्य यांचा सचित्र जीवनपट, संगीत संयोजक रवि मल्ल्या यांच्या संचाने सादर केलेली ऐतिहासिक गाणी आणि शिवचरित्राचे गाढे अभ्यासक शिवभक्त राजू देसाई यांचे शिवचरित्रावरील व्याख्यान यावेळी आयोजित करण्यात आले आहे.
