– आशिष शेलार; प्रचंड मताधिक्याने जिंकण्याचा व्यक्त केला विश्वास
मुंबई : “वांद्रे पश्चिम विधानसभेतील खार, सांताक्रूझ आणि वांद्रेमधील नागरिकांशी एक ‘बांद्रा बॉय’ म्हणून माझा सततचा संपर्क असतो. येथील मतदारांशी माझे कौटुंबिक नाते निर्माण झाले आहे. त्यामुळे त्यांच्या आशीर्वादाच्या जोरावर प्रचंड मताधिक्याने विजयी होईन”, असा विश्वास मुंबई भाजपचे अध्यक्ष आमदार अॅड. आशिष शेलार यांनी मंगळवार, दि. ५ नोव्हेंबर रोजी व्यक्त केला.
वांद्रे पश्चिम मतदारसंघातील वॉर्ड क्र.९९ मधील गजधरबांध परिसरातील नागरिकांच्या घरोघरी जाऊ आशिष शेलार यांनी पत्रक वाटप केला आणि जनसंवाद साधला. गेल्या दहा वर्षांत केलेल्या विकासकामांचा लेखाजोखा नागरिकांसमोर मांडला. वांद्रेकरांनी ठिकठिकाणी त्यांचे उत्साहात स्वागत करून, विजयासाठी आशीर्वाद दिले. नागरीकांचे हेच प्रेम जनहिताचे कार्य करायला बळ देते, अशी प्रतिक्रिया त्यांनी व्यक्त केली.
सांताक्रुझ पश्चिम वॉर्ड क्रमांक ९८ मध्ये आमदार शेलार यांच्या प्रचारार्थ रथ यात्रा काढण्यात आली. या रथयात्रेमध्ये मोठ्या उत्साहात कार्यकर्ते आणि नागरिक सहभागी झाले. चॅपल लेन, कॉन्व्हेंट अव्हेन्यू, सेंट जोशेफ अव्हेन्यू, फ्रान्सिस अव्हेन्यू, चर्च मार्ग, हसनाबाद लेन, जैन देरासर मार्ग, गुजर लेन, कॉटेज लेन, जैन देरासर मार्ग, टागोर रोड, सरस्वती रोड ते गोकुळ कार्यालय अशी ही रथयात्रा चालली.
